局勢逐漸惡化，但有幾點我好希望同大家講
1. 無論衝突幾激烈，呢場都係以社會運動形式進行既政治鬥爭，而唔係戰爭。唔好諗任何軍火，攻佔警處或者刺殺警政成員，宣揚呢啲諗法既人，你地係推咗做果個去死或者坐終生，而且硬碰硬既話零勝算。
2. 唔同政見問題，犯咗上述行為既，台灣都唔會收留你，如果你有命走得甩既話。
3. 以癱瘓社會運作達至瓦解政府威信同管治，以逼使政府回應訴求仍然係唯一可能既出路。
4. 唔好幻想中共倒台，或者推翻香港政府。我寫包單佢地長命過你。一日到黑幻想中共倒台既人，你地同當日幻想民主中國既人有咩分別？接受現實諗下點樣同建制陣營係各個系統進行拉鋸戰。
5. 誠實面對自己。你可以講到自己好勇猛好豁出去，但問人點解唔做乜野之前，你問下自己先，同理一下。大家都係聰明人，都會考慮風險同成本，你唔做，憑咩叫人做？但唔係唔做，改善個環境，降低個風險同成本囉。
6. 唔好排除談判同妥協既選項，諗下點樣爭取最好既deal。你口講會唔接受，會屌我，但你身體會接受，就好似831人大決議同釋放被捕人士咁。
Search